|
Cov Lus Qhia Txog
Carnitine & noj Protein tsawg
Noj
haus kom muaj Protein tsawg thiab ntxiv Carnitine yuav pab kom cov
organic acid tsis txhob nce siab hauv cov me nyuam uas muaj tus mob
2-MBADD cov roj ntsha.
Carnitine yog ib yam uas yeej xeeb txawm muaj hauv peb lub cev. Nws
kuj muaj nyob hauv tej khoom noj xws li nqaij thiab cov khoom uas
siv mis los ua. Carnitine pab peb lub cev zom cov roj kom hloov ua
zog nruab nrag.
Cov
me nyuam uas muaj tus mob zoo li 2-MBADD no mas yog siv carnitine
los pab lub cev ntaus cov organic acids uas yuav ua tau kom lub cev
puas tsuaj tawm. Carnitine ua hauj lwm zoo li ib daim ntaub uas
ntxaum nqus cov organic acids coj tawm nrog zis hauv lub ces mus.
Vim yog zoo li no mas thiaj yuav tsum tau siv cov carnitine ntau rau
ib tug neeg uas muaj tu mob 2-MBADD. Cov me nyuam uas muaj tus mob
2-MBADD tej kev noj haus tej zaum yuav tsis muaj cov carnitine txaus
,ua li mas thiaj yuav tsum txhab carnitine los pab rau lawv ntxiv.
Cov
khoom noj uas muaj protein tsawg kuj yuav ua kom muaj cov organic
acid qis thiaj yuav cheem kom tsis muaj cov isoleucine ntau hauv lub
cev. Qhov kev noj haus uas tsis muaj isoleucine ntau kuj yuav tsis
muaj protein ntau thiab. Yuav kom cov me nyuam tau txais tag nrho
cov protein uas lawv yuav tsum muaj los pab kom lawv loj hlob taus,
tab sis, kom tsis txhob muaj isoleucine ntau mas muaj ib hom mis
tshwj xeeb rau lawv noj. Hom mis tshwj xeeb no feem ntau yog muab
ob hom mis los sib tov. Txoj kev tov mis no mas tej zaum yuav hloov
zuj zua raws tus me nyuam lub hnub nyoog thiab thaum nws pib txawj
noj lwm yam khoom noj.
|
