|
Cov Lus Qhia Txog Noob Caj Noob Ces
Cov
noob caj noob ceg hu ua genes yog cov taw kev qhia peb lub cev kev
loj hlob thiab kev ua hauj lwm li cas. Muaj cov noob ua rau neeg
lub qhov muag thiab plaub hau muaj tsos kob, thiab qhia lub cev zom
cov isoleucine. Ib tug me nyuam twg yuav tau ib lub qauv noob ntawm
leej niam thiab leej txiv los. Feem ntau cov noob no ua hauj lwm
zoo. Tej thaum tsis paub vim li cas, ib lub noob lam txawj hloov
txawv ntawm qhov nws yeej xeeb txawm. Yog nyob nyob lam muaj kev
hloov ntawm qee lub noob neej li no mas yuav ua rau cov noob tsis ua
hauj lwm ua kev zoo li qub ces thiaj hais tau hais tias muaj kev
hloov hauv noob caj noob ceg lawm (mutation).
Cov
neeg uas muaj tus mob 2-MBADD mas tau kuaj pom tias muaj kev hloov
ntawm lawv noob caj nob ces uas ua rau lub cev tsis muaj peev xwm
yuav zom cov isoleucine. Tau tso Ib co me nyuam Hmoob uas muaj tus
mob 2-MBADD cov ntshav mus kuaj saib muaj kev hloov dab tsi hauv
lawv cov noob caj noob ces. Thaum kuaj tas mas pom tias txoj kev
hloov hauv cov me nyuam Hmoob noob caj noob ces txawv cov me nyuam
tsis yog Hmoob uas muaj tus mob 2-MBADD thiab ua mob nhyav.
Tus
noob caj noob ces uas tau hloov lawm no kuj yuav ua keeb ntawm niam
txiv mus rau tus me nyuam. Qhov no kuj tib yam nkaus li lwm yam uas
tau muaj raws caj ces ua keeb ntawm niam txiv mus rau me nyuam. Tsis
yog tim leej twg uas koj tus menyuam ho muaj tus mob 2-MBADD no.
Cov
mob uas muaj raws caj ces xws li tus mob 2-MBADD kuj yog muaj tsawg
kawg nkaus. Tab sis rau cov me nyuam Hmoob yug hauv Wisconsin mas
kuj pom muaj ntau dua, piv rau lwm cov mob uas muaj raw noob caj
noob ces. Kwv yees li ntawm 1 tug ntawm 225 tus me nyuam Hmoob yug
hauv Wisconsin muaj tus mob 2-MBADD.
Txoj kev hloov kom muaj tus mob 2-MBADD yog los ntawm noob caj noob
ces ntawm tus qauv noob hu ua “autosomal recessive”. Lub noob uas
tau hloov ua kom muaj tus mob 2-MBADD no muaj lub npe hu ua lub noob
“tsis ua hauj lwm”. Cov me nyuam uas muaj tus mob 2-MBADD no mas
yog lawv tau txais ib nkawg qauv noob caj noob ces hu ua autosomal
recessive tsis ua hauj lwm ntawm leej niam thiab leej txiv los. Li
no tus me nyuam thiaj muaj ob lub noob puas leej tsis ua hauj lwm.
Cov niam txiv tsis muaj tus mob 2-MBADD vim lawv muaj ib lub noob
uas ua hauj lwm nrog rau ib lub tsis ua hauj lwm. Li no, thiaj hais
tau tias leej niam thiab leej txiv yog tus “muaj” lub noob tsis ua
hauj lwm no. Kwv yees li ntawm 1 tus ntawm 10 tus Hmoob mas muaj
lub noob caj noob ces uas ua tau muaj tus mob 2-MBADD.
Nyob ntawm hmoov, yog ib nkawg niam txiv puav leej muaj lub noob caj
noob ces uas ua kom muaj tus mob 2-MBADD no, mas nkawd yuav yug tau
ib tug ntawm nkawd plaub leej me nyuam yuav muaj tus mob no, los yog
25%. Nkawd kuj yuav muaj ib tug ntawm ob leeg me nyuam yuav muaj
lub noob ua kom muaj tus mob 2-MBADD, los sis 50%. Tsis tas li,
nkawd kuj yuav muaj ib tug ntawm plaub leeg me nyuam, los yog 25%
yuav tsis muaj tus mob thiab tsis muaj lub noob ua kom muaj tus mob
2-MBADD.
|
