|
Cov Lus Qhia Txog
Protein thiab Isoleucine
Protein yog ib cov txhiam xws tseem ceeb. Peb lub cev yuav
tsum muaj los yug tej nqaij pob txha thiab ua kom lub cev ua taus
hauj lwm. Nws yog ib cov txhiam xws yuav yug kom me nyuam yaus lub
cev loj hlob taus.
Txhua yam khoom noj yuav muaj cov protein tsis sib luag.
Cov khoom noj uas muaj protein ntau yog: nqaij nyuj, nqaij npuas,
nqaij qaib, qe, ntses, thiab mis thiab mis nyoj (cheese). Cov khoom
noj uas muaj protein tsawg yog: zaub, mov, pob kws, mov ci thiab xis
lis yaum (cereals). Txiv hmab txiv ntoo, khoom qab zib thiab roj mas
muaj protein tsawg heev.
Protein cab sab zoo nkaus li ib txoj saw ntev ntev nqia ua tej lub
pob, zoo nkaus li cov hlaws dai ntawm ib txoj saw caj dab. Tej lub
nqia ntawd mas muaj npe hu ua amino acids. Muaj txog 20 hom amino
acids uas sib txaws ua cov proteins. Ib cov ntawm 20 cov amino acids
yog hu ua isoleucine. Cov khoom noj uas muaj protein ntau yuav muaj
isoleucine ntau.
| Tus
duab cim qhia txog isoleucine hauv protein nram no yog |
 |
Protein yog ib txoj saw uas muaj cov amino acids, zoo nkaus li cov
hlaws dai nyob ntawm txoj saw.
Thaum
uas peb noj cov protein mas peb lub cev zom mus uas ntau hom amino
acids.
Yuav siv cov isoleucine thiab lwm cov amino acids los tsim dua ib
cov proteins tshiab rau peb lub cev siv.
Feem
ntau, cov isoleucine uas seem tsis siv los ua cov proteins tshiab
mas lub cev muab zom los ua zog nruab nrag (energy). Lub cev yuav
siv ntau kauj ruam los mus hloov cov isoleucine mus ua zog nruab
nrag.
Cov isoleucine seem raug zom los ua zog nruab nrag.
Cov neeg
uas muaj tus mob 2-MBADD lub cev kuj siv cov amino acid hu ua
isoleucine uas yog muaj nyob hauv cov khoom noj los zom ua ib cov
proteins tshiab, ib yam nkaus li cov neeg uas tsis muaj tus mob no.
Tiam sis, tom qab lub cev siv cov isoleucine los ua cov proteins
tshiab uas lub ces xav tau lawm mas lub ces tsis muaj peev xwm zom
cov isoleucine seem mus ua zog nruab nrag. Muaj ib ntu ntawm lub cev
txoj kev zom cov isoleucine raug tu ncua lawm. Vim lub cev zom tsis
tau cov isoleucine li niaj zaus, mas thiaj muaj cov organic acids
nyam rau tej roj ntsha ces yuav lom tau lub cev.
Ib tug neeg uas muaj tus mob 2-MBADD
Isoleucine
los ntawm cov khoom noj
|
